Монастырский календарь престольных праздников и памятных дней
Июнь
Свт. Алексия, митрополита Московского и всея России, чудотворца
20.05/2.06
Тропарь дня
Тропарь святителя Московского Алексия
глас 8

Яко апостолом сопрестольна,/ и врача предобра, и служителя благоприятна,/ к раце твоей честней притекающе, святителю Алексие, богомудре чудотворче,/ сошедшеся, любовию в память твою светло празднуем,/ в песнех и пениих радующеся и Христа славяще,/ таковую благодать тебе даровавшаго исцелений// и граду твоему великое утверждение.

Владимирской иконы Божией Матери
21.05/3.06
Тропарь дня
Тропарь Божией Матери пред иконой Ее Владимирской
глас 4

Днесь светло красуется славнейший град Москва,/ яко зарю солнечную, восприемши, Владычице,/ чудотворную Твою икону,/ к нейже ныне мы притекающе и молящеся Тебе, взываем сице:/ о пречудная Владычице Богородице!/ Молися из Тебе воплощенному Христу Богу нашему,/ да избавит град сей и вся грады и страны христианския/ невредимы от всех навет вражиих// и спасет души наша, яко Милосерд.

– Святителя Михаила, епископа Синадского (Фригийского)
– преставление прп. Евфросинии Полоцкой
23.05/5.06
Тропарь дня
Кондак преподобного Михаила
глас 8

Яко архиерей всечестен и благочестия священнострадалец,/ прещения злоименитаго не убоявся,/ еретическое того противление победил еси,/ свободным гласом велегласно вопия:/ иконе покланяюся Христове и Пречистыя Того Матере.// Сего ради тя почитаем, Михаиле.

Тропарь преподобной Евфросинии, княжны и игумении Полоцкой
глас 4

Подражающи дванадесятолетна дванадесятолетну Христу,/ учившему во святилищи Божию слову,/ последовала еси, Евфросиние./ Славу временную и земнаго обручника оставльши/ и вся мирская презревши,/ краснейшему паче всех Христу себе уневестила еси,/ крест вземши, путем ангельскаго жития шествующи/ и многия к Нему наставляющи,/ во благоухании мира в Небесный Чертог востекла еси,/ идеже моли, Егоже возлюбила еси,/ о чтущих благочестно память твою.

Третье обретение главы Пророка и Крестителя Господня Иоанна
25.05/7.06
Тропарь дня
Тропарь Иоанну Предтече (3-е обретение главы),
глас 4:

Яко Божественное сокровище, сокровенное в земли, /Христос откры главу твою нам, пророче и Предтече. /Вси убо, сошедшеся в сея обретение, /песньми богоглаголивыми Спаса воспоим, /спасающа нас от тления молитвами твоими.
Прп. Макария Калязинского
26.05/8.06
Тропарь дня
Тропарь преподобного Макария, игум. Калязинского, чудотворца
глас 8

Плотская мудрования, отче Макарие,/ воздержанием и бдением умертвил еси,/ место бо, на немже поты твоя излиял еси,/ яко труба, вопиет к Богу,/ поведающи твоя исправления,/ и по смерти честныя твоя мощи источают исцеления./ Темже вопием ти:/ моли Христа Бога, да спасет души наша.

преставление свт. Луки Крымского
29.05/11.06
Тропарь дня
Тропарь святителю Луке, исповеднику, архиепископу Симферопольскому и Крымскому,
глас 1


Возвестителю пути спасительнаго,/ исповедниче и архипастырю Крымския земли,/ истинный хранителю отеческих преданий,/ столпе непоколебимый, Православия наставниче,/ врачу богомудрый, святителю Луко,/Христа Спаса непрестанно моли/ веру непоколебиму православным даровати// и спасение, и велию милость.

- Прав. Иоанна Кронштадтского
- Прп. Агапита Печерского
1.06/14.06
Тропарь дня
Тропарь Иоанну Кронштадтскому, прав.,

Православныя веры поборниче. /Земли Российския печальниче, /пастырем правило и образе верным, /покаяния и жизни во Христе проповедниче. /Божественных таин благоговейный служителю /и дерзновенный о людех молитвенниче, /отче праведный Иоанне, /целителю и предивный чудотворче, /граду Кронштадту похвало /и церкви нашея украшение, /моли всеблагаго Бога /умирити мир и спасти души наша.


Тропарь преподобного Агапита Печерского, врача безмездного, в Ближних пещерах
глас 5

Богоноснаго Антония ревнуя смиренномудрию,/ аки некиим врачеством зелием снедным/ исцелял еси болящия, преподобне Агапите,/ тем и врача неверна уверив,/ наставил еси на путь спасения./ Уврачуй и наша болезни/ и молися Господеви о воспевающих тя.

Прп. Силуана, схимника Печерского
Икона с частицами мощей Киево-Печерских святых
10.06/23.06
Тропарь дня
Тропарь преподобного Силуана, схимника Печерского, в Дальних пещерах
глас 3

Многаго ти ради воздержания и безмернаго пощения/ приемый свыше благодать чудотворения/ и к Богу велие дерзновение стяжавый,/ постником удобрение, Силуане,/ Тому молися,/ да подаст нам мир и велию милость.

– иконы Божией Матери «Достойно есть»
– Св. ап. Варфоломея
– Прп. Евфросинии Полоцко
й
11.06/24.06
Тропарь дня
Тропарь Божией Матери пред иконой Ее Достойно есть (Милующая)
глас 4

Oтцев все Афонское множество,/ соберитеся, верно празднующе,/ днесь радующеся и светло восклицающе вси в веселии,/ Божия бо Мати ныне от Ангела преславно воспевается./ Темже, яко Богородицу, присно Сию славим.

Тропарь апостолов
глас 3

Апостоли святии,/ молите Милостиваго Бога,/ да прегрешений оставление// подаст душам нашим.

Тропарь преподобной Евфросинии, княжны и игумении Полоцкой
глас 4

Подражающи дванадесятолетна дванадесятолетну Христу,/ учившему во святилищи Божию слову,/ последовала еси, Евфросиние./ Славу временную и земнаго обручника оставльши/ и вся мирская презревши,/ краснейшему паче всех Христу себе уневестила еси,/ крест вземши, путем ангельскаго жития шествующи/ и многия к Нему наставляющи,/ во благоухании мира в Небесный Чертог востекла еси,/ идеже моли, Егоже возлюбила еси,/ о чтущих благочестно память твою.

- блгв. вел. кн. Анны Кашинской
(перенесение мощей и второе обретение)
- преставление прп. Арсения Коневского
12.06/25.06
Тропарь дня
Тропарь великой княгини Анны Кашинской
глас 4

Просветившися Божественною благодатию, преподобная,/ и правостию умною душу твою привязавши в любовь Христову,/ тленныя, и красныя, и временный нивочтоже вменила еси./ Крестным знамением на мысленный враги мужески вооружившися,/ постническими подвиги, постом и молитвами/ углие страстей угасила еси, достославная Анно,/ и по смерти источавши благодать притекающим к мощем твоим./ И ныне, в Небеснем чертозе с мудрыми девами предстоящи Христу,/ моли о нас, почитающих святую память твою.

Тропарь преподобнаго Арсения Коневского
глас 1

Божественною любовию возгоревся,/ мирская пристрастия от души отвергше,/ тесным путем постничества во след Христа/ невозвратным умом шествовал еси, Арсение всеблаженне,/ от Негоже и мзду трудов твоих на Небесех восприим,/ поминай нас, чтущих святую память твою и вопиющих:/ слава Давшему ти крепость,/ слава Венчавшему тя,/ слава Действующему тобою всем исцеления.
Память прп. Александры Дивеевской
13.06/26.06
Тропарь дня
Тропарь преподобной Александре Дивеевской
Глас 3


Раба Христова и избраннице Пречистыя Его Матери, Киевского удела Ея жительнице и молитвеннице, земли Ея обетованныя искательнице, Дивеевския обители первоначальнице и зиждительнице, молися за ны, Александро преподобная, да спасет нас Пресвятая Богородица и помилует Святая Троица, да избавимся мы муки адския и наследуем блаженство райское.

- Собор Дивеевских святых
- Сщмч. Владимира, митр. Киевского
14.06/27.06
Тропарь дня
Тропарь преподобным Александре, Марфе и Елене Дивеевским,
Глас 4


Явилися есте земли Российския украшение, начальницы обители Дивеевския преподобныя матери наша Александро, Марфо и Елено, благословение Царицы Небесныя исполнившия и дерзновение ко Господу стяжавшия, молите у престола Пресвятыя Троицы о спасении душ наших.


Тропарь Дивеевским блаженным Пелагии, Параскеве и Марии,
Глас 1


Глас апостола Павла услышавша глаголющ: мы юроди Христа ради, рабы Твои, Христе Боже, Пелагия, Параскева и Мария, юроди быша на земли Тебе ради; темже, память их почитающе, Тебе молим: Господи, спаси души наша.

Тропарь священномученику Владимиру, митрополиту Киевскому
Глас 2


Веры Православныя непорочный блюстителю/ и заповедей Христовых усердный исполнителю,/ священномучениче Владимире,/ Христа всем сердцем возлюбив,/ паству твою добре упасл еси,/ незлобиво мученическую смерть приял еси./ Сего ради в вечной славе пребывая,// моли спастися душам нашим.

память св. мученика Модеста Римского, Пестуна
15.06/28.06
Собор всех преподобных отцов, во Святой Горе Афонской просиявших (прп. Иоанн Кукузель, прп. Евдоким Ватопедский, прмч. Акакий Афонский, прмч. Евфимий Афонский, прмч. Иаков Костурский, сщмч. Иаков Дохиарский, прмч. Игнатий Афонский, прмч. Дионисий Ватопедский)
17.06/30.06
Тропарь дня
Тропарь Всех преподобных и богоносных отцев, во Святой Горе Афонской просиявших
глас 1

Пустыни Афонския отцы,/ Ангелы во плоти,/ исповедники вкупе и преподобнии,/ святители же и мученики в пениих почтим,/ подражающе добродетелем их,/ зовуще согласно и глаголюще:/ слава Прославльшему вы,/ слава Венчавшему вы,/ слава в бедах предстатели нам вы Показавшему.